საპრეზიდენტო პროგრამა "ჩემი სახლი"-ს ფარგლებში შემუშავებული ჩვენი ვებსაიტი შესაძლებლობას აძლევს იძულებით გადაადგილებულ პირებს ინტერნეტის მეშვეობით მოახდინოს უკონტროლო ტერიტორიებზე კუთვნილი უძრავი ქონების დეკლარირება.
ამისათვის შეგიძლიათ ისარგებლოთ სპეციალური ინტერაქტიული რუქებითა და საკუთრების აღრიცხვის გეოსაინფორმაციო სისტემით.
ჩამოტვირთეთ საკუთრების რეგისტრაციის დეკლარაციის ფორმა და გაეცანით რეგისტრაციისათვის სავალდებულო სხვა საბუთების ნუსხას.
საქართველოს ლტოლვილთა და განსახლების სამინისტრომ, საკანონმდებლო და აღმასრულებელი ხელისუფლების, საერთაშორისო დონორი ორგანიზაციების მონაწილეობით, დევნილთა დაბრუნების ეროვნული სტრატეგია შეიმუშავა. მასში განსაზღვრულია ძირითადი სამოქმედო პრიორიტეტები - დევნილთა საბინაო პირობების გაუმჯობესება, მათი დასაქმება, განათლებისა და პროფესიული გადამზადების ხელშეწყობა, მცირე ბიზნესის განვითარების მიზნით, ამ პირთა მიკროსესხებით უზრუნველყოფა, ჯანდაცვა და სხვა სოციალური პრობლემების მოგვარება.
სახელმწიფო კანცელარიაში საპრეზიდენტო პროგრამის “ჩემი სახლის” პრეზენტაცია გაიმართა. საქართველოს ლტოლვილთა და განსახლების სამინისტროს წარმომადგენლებმა აფხაზეთის უძრავი ქონების დეტალური აღწერის თანამგზავრული ფოტომასალის საშუალებით პრეზიდენტს წარუდგინეს.
16 მარტს, 16:00 საათზე საქართველოს პარლამენტში, საპრეზიდენტო პროგრამა ”ჩემი სახლის” ფარგლებში შექმნილი გეოინფორმაციული სისტემების პრეზენტაცია გაიმართება. აღნიშნული სისტემა აფხაზეთისა და სამხრეთ ოსეთის ტერიტორიებზე იძულებით გადაადგილებულ პირთა და ლტოლვილთა უძრავი ქონების ჩამონათვალის აღრიცხავასა და შედგენას ითვალისწინებს.
მიიღეთ მონაწილეობა საჯარო განხილვებში იძულებით გადაადგილებულ პირთა და დევნილთა სპეციალიზირებულ ფორუმზე.
იაქტიურეთ! გამოთქვით თქვენი აზრი!
აფხაზეთი - ისეთი, როგორიც ჩვენ გვახსოვს!
